El-Inshikak

إِذَا السَّمَاءُ انْشَقَّتْ١

Kur të pëlcet qielli.

وَأَذِنَتْ لِرَبِّهَا وَحُقَّتْ٢

T’i bindet urdhërit të Zotit të vet, ashtu si takoi.

وَإِذَا الْأَرْضُ مُدَّتْ٣

Dhe kur toka të shtrihet në gjerësinë e saj.

وَأَلْقَتْ مَا فِيهَا وَتَخَلَّتْ٤

E të nxjerr çka ka brenda e të çlirohet,

وَأَذِنَتْ لِرَبِّهَا وَحُقَّتْ٥

Dhe t’i bindet Zotit të saj, ashtu si takoi.

يَاأَيُّهَا الْإِنْسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ٦

O ti njeri, vërtet ti përpiqesh me një përpjekje të madhe që çon te Zoti yt, e atë (përpjekje) do ta gjesh.

فَأَمَّا مَنْ أُوتِيَ كِتَابَهُ بِيَمِينِهِ٧

E përsa i përket atij që libri i vet i jepet nga e djathta,

فَسَوْفَ يُحَاسَبُ حِسَابًا يَسِيرًا٨

Ai do të llogaritet me një llogari të lehtë,

وَيَنْقَلِبُ إِلَىٰ أَهْلِهِ مَسْرُورًا٩

Do të kthehet te familja e vet i gëzuar.

وَأَمَّا مَنْ أُوتِيَ كِتَابَهُ وَرَاءَ ظَهْرِهِ١٠

E përsa i përket atij që libri i vet i jepet pas shpinës,

فَسَوْفَ يَدْعُو ثُبُورًا١١

Ai do t’i ndjellë vetes shkatërrim,

وَيَصْلَىٰ سَعِيرًا١٢

Dhe do të hyjë në zjarr të ndezur fort.

إِنَّهُ كَانَ فِي أَهْلِهِ مَسْرُورًا١٣

Ai ka qenë i gëzuar në familjen e vet,

إِنَّهُ ظَنَّ أَنْ لَنْ يَحُورَ١٤

Dhe ka menduar se nuk ka për t’u kthyer.

بَلَىٰ إِنَّ رَبَّهُ كَانَ بِهِ بَصِيرًا١٥

Po, se, vërtet Zoti i tij gjithnjë e ka parë atë.

فَلَا أُقْسِمُ بِالشَّفَقِ١٦

Betohem në kuqërrimin e horizontit pas perëndimit,

وَاللَّيْلِ وَمَا وَسَقَ١٧

Dhe në natën dhe çka ajo tubon,

وَالْقَمَرِ إِذَا اتَّسَقَ١٨

Dhe në hënën kur ajo është e plotë.

لَتَرْكَبُنَّ طَبَقًا عَنْ طَبَقٍ١٩

Ju patjetër do të përjetoni gjendje pas gjendjeje.

فَمَا لَهُمْ لَا يُؤْمِنُونَ٢٠

E, çka kanë ata që nuk besojnë?

وَإِذَا قُرِئَ عَلَيْهِمُ الْقُرْآنُ لَا يَسْجُدُونَ۩٢١

Dhe kur u lexohet atyre Kur’ani, nuk përulen (nuk bien në sexhde)?

بَلِ الَّذِينَ كَفَرُوا يُكَذِّبُونَ٢٢

Përkundrazi, ata që nuk besuan edhe përgënjeshtrojnë?

وَاللَّهُ أَعْلَمُ بِمَا يُوعُونَ٢٣

E All-llahu e di më së miri se çka mbajnë fshehtë ata!

فَبَشِّرْهُمْ بِعَذَابٍ أَلِيمٍ٢٤

Lajmëroji, pra me një dënim të dhembshëm.

إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ٢٥

Me përjashtim të atyre që besuan e bënë vepra të mira, të cilët kanë shpërblim të vazhdueshëm!